हाम्रो बारेमा

हाम्रो बारेमा

सामाजिक सुरक्षा कोषको वेव पृष्टमा हार्दिक स्वागत । सामाजिक सुरक्षाको अवधारणा नेपालमा अझै नौलो नै रहेको छ । आर्थिक तथा सामाजिक रुपमा जोखिममा रहेका नागरिकहरु  लाई मानवीय मर्यादा रक्षाका लागि जोखिमबाट सुरक्षा प्रदान गर्न राज्य र नागरिकहरुको साझा प्रयासमा सम्पादन गरिने कार्य नै सामाजिक सुरक्षा हो, जुन सामाजिक न्यायको अभिन्न अङ्गको रुपमा रहेको हुन्छ । विभिन्न निकायहरुमार्फत राज्यको हेरचाह स्वरुप सामाजिक संरक्षणका नाममा गरिरहको कामलाई विस्तारित रुप दिने यस पहलले व्यक्तिगत जीवनको धेरै क्षेत्रमा जोखिम न्यूनीकरण गर्न विशेष सहुलियत र सहायताको सुनिश्चितता गर्दछ । राज्यले केहि दशक अघिदेखि यस क्षेत्रमा केहि कार्य प्रारम्भ गरेको र त्यसलाई विस्तार गर्दै लैजाने नीति मुताविक यो संस्थागत संरचना तयार पारेको हो । सामाजिक सुरक्षा संविधान प्रदत्त मौलिक हक समेत भएकोले यो राज्यको दायित्व तथा नागरिकको अधिकारका रुपमा रहेको हुन्छ ।